今日係Yoyo's Birthday！生日快樂丫！
踏入十二點正，即係零時零分，我已經急不及待地打電話給她！
其實我好緊張今次的慶生，因為由買禮物、節目安排、食飯地點etc，由我一手包辦，令我有少少頭痛。
我已經發散我人際的網絡，不停地請教身邊的朋友，或者上網搵資料，為求搵到一個能符合她要求的......
中午十二點，一切已經準備好！
下午兩點半，約左Yoyo係又一城附近逛，去左一間書店。
直至四點睇<<我和尋回犬的十個約定>>，有點感人！
P.S：多謝小圈送給我的兩張戲飛！
睇完戲，轉眼間就去尖沙咀，當時已經七點鐘，原本打算去一個可以食到羊肉的泰式餐廳，點知餐廳轉左手，去到先知，灰左！
其後點左春卷、蛋包飯、薯仔...我唔記得確實的名稱，但質素ok，格調都唔錯！
食完晚餐，我們就去尖東準備睇國慶煙花！
可能太遲去海旁，周圍都佈滿路障，我們行行下就去到尖東。
我們想找一個好位置，但遲遲都找不到一個靚位！
之後為左上天橋，我們要跨過路邊的草叢，因為附近有好多人，尤其是內地客，我怕我們會俾佢地撞到，情急之下，就拖住佢隻手，一齊跨過路邊的草叢......
雖然到最後因為天橋那邊都封路上不了，但我們一直拖住手直至煙花放完，我們都唔捨得放開手，那一刻真係好sweet同開心！