昨天7/10：
阿杰生日，我地去沙田富豪唱K，為今日都傾左幾次
有：杰。芬。芳。彤。琪。紹鳴。Alan。古仔。煒。曲騏
一共11人...
12點火車站等，俾曬d野Alan拎...
搭的士，335，我地係唔曬扮瘦嫁，你地咁驚我迫死你地，做咩唔551..^^
入到去，如常一樣，初初無人點歌，過左陣就有人唱
紹鳴。Alan。曲騏起到玩骰仔，玩到好激
輸左仲要扮野，紹鳴成為全場焦點：
全場唱得最多好似係阿彤。古仔唱得最多
唱到4點，就食蛋糕，都唔知點解得一個？仲飲埋香檳..
個生日歌超長....不過氣氛都幾好...
紹鳴同阿芬緊持唔肯唱，所以就開大戰，
用香檳蓋同紙巾，兩邊互相攻擊，
我同alan可能因為坐起隔離關係，做左佢地的助手
阿芬出左去，紹鳴、alan就趁機起喱埋，嚇佢，超搞笑
戰中，大家互相出賣朋友。更互相偷對方的手機......
紹鳴一行過來，我就投降喇..唔知點解我會咁驚？可能佢個樣...(^^)
唱到去7點半，就要走，唱足6個鐘
跟住就送禮物時間，送左件火柴人衫俾阿杰，送太陽油&盒卡to芬芳
古仔的禮物有點驚喜，條電話繩好靚，紹鳴送個diy杯俾我，
我就俾番佢，等佢畫完先俾我....
佢地今次破財，一個人100零幾，我地4個唔洗俾錢..^^
今次好似無上年我生日咁癲
搭番的士去沙田，諗緊去邊到食飯
諗諗下就一於去影貼相先...好彩部機都0岩0岩夠影曬全部人
影左兩次，其中一張拎去放大12R...
影完就去食飯，又係諗左好耐去邊到食
最後去左和民食，起門口等左半個鐘，佢地不停講笑，
有d笑因為坐左等二邊，所以無睇到，只知好好笑
主角都是阿彤，阿芬同阿彤好似真係傻左，周圍d人都望住我地
食飯分開兩邊叫野食，d野果然真係好細碟
佢地依然不斷講笑，仲要係d唔好笑的笑話....都要笑一餐
因為我地個位隔離係鏡，阿杰以為隔離仲有一圍人...其實係我地！
個侍應都俾我地玩...填完問卷都要搶....
去到11點半，全間店d人走淨我地
返到屋企12點幾
起諗番好多今日d野....
今日都幾開心啦.....