二零零八年   九月十九日 星期五

又到星期五，即係話又放兩日假。星期六係溫書用，星期日係買野用。

中文呀SIR話SBA要寫閱讀報告，仲要口頭報告兩至三分鐘我自問無乜信心，佢話我地講兩三分鐘野已經唔多，所以好啦，唯有自己準備多Ｄ啦。呀ＳＩＲ列左幾本書俾我地，話可以用黎做閱讀報告，又或者自己另外俾個書名佢睇下得唔得。暫時四本之中，有兩本個作者係金庸，金庸小說套套都有十幾集，點睇得哂呢，保障Ｄ梗係唔睇啦。其次兩本係＜活著＞同＜半生緣＞，後者同我無緣，最近果幾間公共圖書館不是借出，就是預約架上。前者就好少少，係轉移中同待上架，需幾天才轉為館內架上，我先唔鬼等佢。有人話可以預約，但又係果句，我怕要等同手續煩。

---

在YAHOO!知識+搵到的,圖書館網頁找不到解釋,我諗唔出轉移中&轉移預約的轉移係點解。

1) 待上架：書已歸回圖書館，待職員安排放上書架 
2) 請向職員索閱：因為書籍放在書倉/ 書庫，需要在櫃台填表，請職員拿給你
3) 轉移中：讀者在別的圖書館還書，但書本需要返回所屬的圖書館，所以現處於運送途中
4) 轉移預約：如讀者預約的書不在 A 館，該書便要由其他館運送至A館，此過程中為以轉移預約
5) 預約架上：書已被人預約，暫放在預約架上，等預約的讀者取書
6) 備用書庫1：書本存放於書庫，但該書庫不在館內，若讀者想要借閱，需填表，並要等待數天才可以借閱
7) 閉架：書籍放在書倉/書庫, 與 2) 性質類近.

---

而圖書館網頁個搜尋器話我知大興圖書館有<活著>，蝴蝶村圖書館都好似有，不過睇左地圖，要我死去屯門碼頭果面再番天水圍，真係要同我講保重身體，返屋企果程雖然唔會暈低（天氣熱）但一定會好似行屍走肉，我明咩叫睜大眼訓覺，身在心不在，為左要聽書就令自己唔好合埋眼，點知將Ｄ力用哂黎睜開眼，個腦已經聽唔入老師講既野（呢句話事實上，我係唔知咩情況之下用，純個人認為）。今日放學就飛去大興，大興圖書館係第一次入去，次次去大興都只係經濟個圖書館。哈！我以為我去過大興，就會一定好易搵到，易就易，因為大興唔大，今日我就差唔多行哂棟建築物就搵到啦，即係話我兜左個圈。

大興圖書館唔大，坐滿左人，有的看報紙,有的看書,有的在上網。變成了優閒好去處。一借借左三本,一本是<活著>,其餘兩本是<漫畫經濟一日通>。見活學網頁話高生除左出教科書,仲出左其他書,就係果兩本,話圖書館買左幾本,有得借咪搵下囉。講起佢就諗起淨雙丸條短片,到而加都唔明白 點解頭三粒魚蛋會好食過尾三粒魚蛋。

三本書塞唔入袋,唯有用手拎,放學後要遠征一定要用書包,袋係受唔住壓力,有藉口買新的。

未完