上回講到,

因為我細妹開始唔多理囡囡,

我就鼓起左勇氣幫佢搞清潔..

---

我一開始硬住頭皮咁拎起佢..

好驚佢會咬我,抓我..

成功放左佢去第2度之後,

就開始清潔佢個籠//

個種中人欲嘔既味道,

我唔會忘記...

---

自此之後,

我就好似變成左佢既主人,

每日返到屋企,入門口除左鞋,

就會望下住係廚房門口既佢..

睇下佢訓緊覺,定食野..

呢個動作亦慢慢變成左我既習慣..

---

囡囡係一隻聰明既小灰霸..

每次我放好D沖涼砂係個兜,

唔洗教佢就會識得自己碌D砂去整乾淨個身..

朋友都讚佢乖..唔洗人幫佢..

雖然係咁..但係阿爸阿媽始終成日嫌佢臭..

阿媽有幾次甚至開左一盆水,

好大力咁DUM左佢落水..

話佢自己會游水..

每次佢咁樣,

我都會大喊,叫佢唔好咁做..

唔好咁粗魯...

將佢拎返上水之後,我就會用風筒吹乾返佢個身同安撫下佢

希望佢唔會凍親而搞到傷風,唔會嚇親..

見住佢既可憐樣,我總係會一邊喊一邊幫佢抺返乾個身...

---

細妹話就話囡囡係暫住,但一路都無拎走過佢..

之後對佢更加係冷漠..

除非佢突然興致到,先會拎佢出黎玩..

為左呢D事.我都同佢拗過好多次..

但最後都係不了了之..

試過催左佢成個禮拜有多,

叫佢去買倉鼠用品,佢都懶得去買..

最後都係我自己出$..

我成日都會講一句..

到底係你養,定我養?

-TO BE CONTINUED-

相信唔少人都知道,

係5月20日,

我發現家中的小灰霸巳經撒手塵寰了...

今日..等我重新回憶一下我同小灰鼠之間的往事..

---

回想起黎,其實係我讀緊小二,岩岩搬入黎屯門個陣,

都養過4隻鼠..但個陣因為我同家人對佢地毫無認識,

以致佢地4隻互相殘殺..

阿媽本來放左佢地係垃圾站,

但唔忍心就再去搵返佢地,

點知巳經無左..(應該俾清潔工人拎走左)

---

係大約6年後,

我細妹有日突然拎左隻小灰霸返黎,

起初我地對佢幾抗拒,

因為我地唔識養,而且之前養過又搞到傷晒....

但我細妹話只係佢同學寄養係我地屋企,

仲提供左籠,飲水器等基本用品..

於是,佢就係我地屋企住左落黎啦..

細妹幫佢改左個名,

叫囡囡....

---

呢個就係2年前既囡囡啦..

係咪好可愛呢?="]

(9日後望返呢張相,淚T^T)

一開始,

佢唔多受我地歡迎(除左細妹),

因為佢個籠成日都會傳出一D異味..

而且成日咬籠..

每次我細妹放佢係地下玩,

我都會尖叫.好驚佢爬上我個身....

---

 

漸漸地,細妹彷彿巳經對囡囡失去了興趣,

再唔會幫佢清潔鼠寵﹑沖涼..

眼見佢既慘況,

本來怕觸碰倉鼠既我,

鼓起左勇氣幫佢搞清潔..

-TO BE CONTINUED-

12.05.2009*

久違了的日記喔....
決定等到會考完就重開,
仲將好多舊日記一次過del晒了..(非常決絕XD)
因為..有個新開始嘛=P

---

先為一年前的四川地震死難者默哀

---

呢日一朝早,
我就出發去海洋公園同布慶祝生日LU..

無記錯,我上次去OP巳經係幼稚園年代= =

先去中旅社買飛,跟住就搭車
市中心->南昌->金鐘->OP

係大樹灣落車,第一樣去左玩滑浪飛船..
發現愈少人坐一隻艇,愈唔會整濕身..
所以我都唔多濕..=]

之後過左隔離玩太空摩天輪,
期間不斷俾人FING左上天/.\
每轉一圈就同個太陽HI一次= =
一落車勁暈同作嘔....
我諗我都係唔適合玩激烈既機動遊戲嫁啦/.\
(咁去OP有咩用@@?)

所以上到山頂都無咩玩,
淨係睇D海洋館,水母館

去相!

 

入到去個水母館,
會係咁見到自己,
因為入面既牆都係鏡..
於是,我次次都就快撞牆@@

出黎後去左日本花園,
都整得幾靚

 眺望熨波洲

隨便逛左下,
就揀搭纜車落山
搭搭下所有車停晒
跟住前面架車就有人尖叫= =
唔知咩事呢?

一落山就去左呢個

覺唔覺得呢隻PANDA個款好KAI?~0~

睇左揚子鱷,
超級細條,
跟住過去搵盈盈樂樂

佢好似怕醜WO=P

幫大既影完相,
到細既 B-)
但佢地好似唔開心?=[

睇埋水獺﹑海龜,
就去睇金魚XD

臨入去有個水車

出返黎,
就代表巳經行完成個亞洲動物天地LU
(娃娃魚未黎)
EXIT度有好幾個願望「塔」
我用左黎留言
因為個個都係咁=P

生日快樂=]

有得寫野,不忘留低楨勳既名=P

留左言我地就行左去威威天地,
四圍行都無咩人
應該因為12號係閒日
所以唔洗排隊就有得坐木馬=D

去到最偏僻既景點,
海豚學堂

海豚真係好聰明好得人鍾意,

布不斷捕捉D海豚跳出/入水面既一刻

探完海豚見仲有D時間,
就搭返纜車上去坐Ferris Wheel,
係咪覺得我地好口徙氣?=P

但係摩天輪停低個陣,
我坐個卡車係最高嫁..XD
高興XD

最後睇埋百鳥居,
D湖水好污糟
點解可以俾隻天鵝自己係度住嫁!?/.\

好可憐/.\
希望佢地既生活環境可以快D改善啦...

5點幾就搭車走.
係金鐘食M記
熱辣辣麥樂雞餐
正!

03*11*2007`

我人生中的重要日子來了.是生日=]
2號那天放學,盧旨奇走了過來,
送了3排糖給我.還說了聲"生日快樂"
當時的我非常驚訝,只講了:
多謝你呀!點解你會記得既.....?
跟住就按捺不住,感動得哭了起來>^<
從沒有想過還有其他人記得..謝謝你!!!

中間個排聞落香蕉,食落菠蘿,超好味!!

正日..一大早回校練PTH集誦.
分別幫JIMMY同HUGO買左旗.
跟住就被貼左兩邊膊頭共計3張旗XPP
收到了ELLEN的禮物..謝謝你!!>3<
非常漂亮的筆袋和生日卡!=]

仲有席送的東東..謝謝你喔!!=] (懶得轉返張相=P)

練完集誦後落了OFFICE拆禮物.
收到了SIMONE的生日卡.謝謝你!!

拆埋朱朱同伊琳的神秘禮物,非常令人意想不到.謝謝你們!!=]

然後ELLEN先走了,我地就去左503聽佢地送俾我生日錄音.
好正呀..成段野都好好笑..MAGGIE都笑傻了嗎?=]
謝謝所有人的祝福!!
布,收到未?=P

之後我同伊琳飛左去市中心.
謝謝小邱同卒卒的生日快樂!
去左元綠搵布..
好開心..終於可以一齊食壽司=]
覺得布黑色呢副眼鏡幾好睇=]*
雖然壽司比較高消費,但都食得好高興=]
哈..唔好淨係望塊三文魚.見唔見右上角有個人?=]

試左果個花之卷.$26.5兩件但都幾好好味.
發覺自己真係好鍾意食壽司=]
之後開埋布個蛋糕.

好靚..無諗過會係咁..
謝謝你!!
你D針黹真係勁好..=P
做女仔啦不如=D
埋單百幾..吃得飽飽的離開了.

上主日學.
好害怕.走入班房個個都唔識.
幸好布還在身邊.
哈哈..布整蠱舒媚非常成功!
但好衰呀XPP

崇拜,收到了3個囡囡的靚靚禮物.
好鍾意張花紙同個餡XPP
謝謝你們!!
喜歡你們在卡上寫的說話:
有鬍子的XX同師奶版的XX..=P

約團.見到全組女仔為左自己紮側辮,
連胡蓉蓉都著裙.
覺得好感動!!=]
我地一運完約櫃就即刻跑左上去206開組.

好多野食呀!!!
你地好有心機.多謝你地!!
夾份送俾我的外套都好靚呢=](都係懶得轉=P)

還有方方和韓蔚那兩個傻瓜的=]謝謝!!

你地唱生日歌的聲音簡直是聲震天呢=]
MAGGIE APRIL也在外面唱=]

可惜的是我要趕時間先走了.
與布一起跑了回富健.
臨上樓作了重大決定XDD
跟住跑上去換衫出元朗食飯.

餐飯都幾好食.
11點幾搭車走LU.

---

想在這裡謝謝所有跟我說過生日快樂的朋友.
今年的生日.真的比上年那個被遺忘的生日愉快得多!

特別想謝謝布..
你的精心策劃,,令我過了一個難忘的生日!

還有伊琳,朱
你們為了我,肯定預備了很久(錄音)
好有心機.令人回味的CD!

約團各位組員,
你們的預備,真的很窩心.
希望所有組員在之後的日子都會繼續成長!
祝你地開開心心,靈命長進!

生日..係每個人都好重視的日子..
禮物,,真係唔係最緊要.
我最想要的.只係你地既一句.
生日快樂.

--------------------------------------------------------------完------------------------------------------------------------------------------------------------