各位～我轉咗xanga呀!
http://www.xanga.com/lolo0474

今日仍然要出去海港城比賽，８強嘅對手係沙地同日本人嘅聯隊，真係好很勁～未落場我哋都已經怯晒，仲諗輸３，４粒已經有交代。
我哋踢得好龜縮，但係好有效～雖然到最後都要輸２：１，但係我覺得算係光榮出局啦～仲搏得全場掌聲，算係咁啦！！

尋日去踢３人足球賽，結果一勝一和，以４分取得首名出線資格！應該係嚟緊呢個禮拜６就會踢晒所有比賽了
尋日雖然可以出到線，但係亦都係因為我嘅ｏｎ鳩，所以先令三烈唔可以２戰全勝！我真係唔知做乜，白白痴痴又扭失咗，睇嚟我真係好唔適合踢最後一個呀！
或者我根本無資格去批評人哋呢～我自己都係咁！
去到８強真係死得，唔知會唔會對嗰隊堅野呢？？係就ｐｋ了

一陣我又要遠征尖沙咀啦～上個禮拜３戰全勝之後，今日進入２４強！唔知點解今日有啲緊張添，好早就醒咗啦．．．
唔知講乜好啦，今晚踢完返嚟先再講啦！！
希望可以出到線啦！