--------------------------------------------
15/5/12 (二)，Lai Chan <[email protected]> 寫道：

主旨: 回覆︰ 2015年5月12日
收件者: "[email protected]" <[email protected]>
日期: 2015年5月12日,二,下午11:49

日記我有寫過,
同人交換日記都係第一次.
我都同意跟不認識的人可以講一些真事或內心事,
我以前都識過傾得埋既網友.

我打日記多數記事,
因為有時會想回味番,
或者工作上都可以找尋番, HAHA!
希望你不會覺得悶啦.

好!
開始!

由上星期開始唔洗番學,
輕鬆好多, 應該訓得好D先係,
但呢幾晚都訓得唔係咁好.
可能因為星期日晚得小妹要辭職既關係,
真係好唔捨得佢呀 ...
以後再冇人好得意咁講D小朋友野,
又冇人成日請我食零食喇 ...
好想佢唔好走,
但都知道可能走會對佢將來比較好.
話晒佢都喺呢間公司做左咁耐, 佢比我早入職,
但係成日聽佢講做既野都冇咁進步,
冇新工作加比佢 ... 出去闖下係好既 ....
希望佢新工工作愉快, 唔好比人恰啦.

今日雖然唔算早起,
但都夠時間可以慢慢行番公司,
大雨過後好好陽光, 還不算熱.
番到公司樓下等lift,
成班同事都喺度等緊, 好不容易等到架lift,
點知裝滿貨, 一個人都入唔到, 要再等,
時間得番幾分鐘, 遲得多既同事好緊張,
最後8:58am終於搭到上去打咭.
上個月阿恩遲左31分鐘,
多左寛限1分鐘, 所以冇左$500勤工, 好慘,
但我忍唔住哈哈大笑, 比佢話 XD
一番到公司,
金爺已經幫我整緊電腦, 太好, 佢真係記得.
趁佢整緊電腦, 我過去對面倉執下AM d貨,
整一整都成粒鐘 =口=上午d時間好快過,
成日都覺得冇乜做過野咁 ...

lunch,
今日有餸帶但冇飯, 所以喺公司6麵食, 因為懶,
所以將會麵放埋入餸度加熱水6麵,
比d同事話我咁都得, haha. 懶得洗多隻碗.

下午工作,
都係咁啦.
6點半,
要走既同事都走光, 不過阿恩都陪左我一陣,
其實都唔知好定唔好, 有個人陪,
但我專心唔到做野 ... =.=7點幾佢走左,
我就做到9點.

今日大口番左黎,
帶左好多日本零食番黎, 正呀. 
我睇到你張相呀,
好高喎, 你自己種ga? 我都好想種下盆栽,
成日想做好多野, 但冇去行動, 哈哈. 你可以喺工作時間打到日記,
都幾好喎.
今日係咁先,
明天再分享.