23-04-2010(星期6)

       人生的第一次坐飛機旅行,今日就開始啦!好興奮,所以我前一晚例牌訓唔著既!哈...早上4:00起身呀,好早呀,太陽伯伯都仲搵緊周公既時候,我地已經起身啦!呀哈哈哈....6:00就去到機場啦,今次有一行8人,4對男女!好多人好熱鬧呀^.^!在機場食過早餐後,就check in登機啦!上到飛機,又緊張,又驚驚,因為第一次升上幾萬呎高空呀嗎,真係唔野少ko wo!起飛啦,飛機真係一樣好神奇我發明呀!飛到上天,真係好驚,但見到d雲又好興奮wo!嘻...又係機上食早餐,又食啦!

        哈哈...一個多小時後就到達台灣啦!原來飛機降落時ears真係好痛,好難頂呀=.=!台灣機場好細呀,有對比下香港個個原來係咁靚ka!到了機場,對換了台幣後就搭bus到達華華飯店啦!

       由於旅行社安排出了問題,我地4啤要分開不同的樓層,所以大家有點兒不快,不過唔緊要,因為精彩的旅程要開始啦!上樓放好行李後,收捨行裝後,在隔近食完野後大家就要出發去第一個景點,北投溫泉區呀!

       搭捷運,好快地就到左北投溫泉!沿途行上去溫泉區,周圍的景物同建築都好似日本,好靚呀!行到最入,搵了一間旅店,安排左分開4男,4女的玉白相見的溫泉呀!!!嘻嘻..一開始就好embarrassed,但係浸浸下都無咩野囉!浸左一個小時後都足夠啦,所以就換3!好relax...好舒服呀!!!^.^浸完後,仲可以係山旁享受二人一鍋同埋嘆茶,真係好relax呀!!!想再去呀!

      浸完後,我地就向士林夜市出發啦!一出到捷運,真係見到周圍都係人,人山人海呀!行入夜市中搵野食,真係好多人,好熱,台灣人真係好鐘意食呀!我地買了幾樣食物,坐在露天廣場中一路睇人唱歌,一路食!係香港真係唔會可以咁做,做休閒!我破界食了熱氣野同飲cool野,真係驚驚地唔舒服!食完,行行夜市就回飯店啦,好累呀!不過始終都係陌生地方,不是訓得太好呀!哈哈...

24-04-2010(星期日)

      早上9:30就係樓下集合啦,好早呀!食過早餐後今日就出發去關渡碼頭啦,因為今日既第一個行程就係船上食lunch遊河!(這個要係一星期前係香港打電話去台灣BOOK KA!^.^)未上船前在碼頭附近拍拍照,因為好靚好SUMMER FEEL,好正呀!上船啦...食過西式午餐後就上船頂走走,吹吹海風,好舒服呢!咁就愉快地過了2小時啦!

       落船後,我地就租單車,由關渡踩單車去八里!第一次可以係車來車往的大橋上踩單車,好攪笑呀!踩踩,睇睇4周既人和景,好好睇,台灣人好休閒呀!踩了1小時,到了八里,買買食物,再搭船去淡水老街!無錯,又係食既時候,真係成日食!一路行一路食食小食,再買買手信,咁就完左白天的行程啦!

       晚上,我地到了101強近食自助餐,好好味呀,好多野食呀,格調又唔錯WO,又可以做下上等人WO,哈!食到好飽呀...好多野食呀!食完本來打算上101行行,但係原來9"30就會CLOSE,所以唯有係附近拍拍照啦!跟住就回飯店休息啦,要訓下差下電,迎接第3日既行程呀!

ps...因為我太耐無接落去寫啦,所以細節都忘記左囉,不過總括來講係一個愉快的行程呢!!!^.^