尋晚打左一局,就已經頂唔順去訓覺,點知都係聽收音機聽到2點幾先訓著
之後就不停訓下醒下訓下醒下咁……好辛苦,又出晒汗……
其實我諗緊我係咪唔舒服?
但又唔係丫~又冇頭暈頭痛,又好好胃口喎……
屋企最後一包糯米龜都俾我食埋~
聽日唔駛旨意有野食……=3=

打左個幾鐘雞~爸爸打電話黎落街食飯~
換好街坊裝落去~呆呆坐坐差唔多成個鐘先有野食~
4個人,叫左5個食送!!!
我好變態咁叫左一個飯~之後又清晒碟雞翼,又好博命咁飲左成壺茶~但係仲未飽到上心口個隻囉…
我真係發覺我呢排食野食多左……個肥肚腩注定成世跟我咖喇……=_________=|||

返屋企之前又去左買野~冇買到我聽日要食既野,我係買左古古力囉……
雖然話有時唔係好鍾意古古力太『溜』,只不過係個一刻我係諗緊,如果一邊打雞一邊有古古力食會好開心~所以我係買左古古力咖~

返到屋企打開雪櫃先發現,原來爸爸係買左媽媽奶咖!!!
我岩岩先諗返起~係喎~我尋晚先睇左佢張單,係有買媽媽奶咖喎~冇記性~

返到黎,睇下仲係唔係load唔到網頁,點知,得喎~~所以打下日記,睇下網頁~
我dl左軒仔隻新碟~決定今晚邊打雞邊聽~嘈到爸爸都冇計,卡卡卡~~

我諗緊,如果24號之前我已經打爆左隻MX,咁我仲有咩做好……
唔通又打鬼武者呀??
仲有10日……日子好難捱……