阿武

６２０

又好耐無上黎寫日記喇,
時間真係過得好快,
話咁快就返左半個多月既工,
一份真係唔錯既工作,
大家都係好nice,對我好好,
好肯教我野,我係到一邊返工,一邊學習~
為左冬天既北海道之旅,
我會努力返工,儲錢,
滑雪,靚景你地等我~

今日返工遲到丫,第1次遲到,
唔記得左教鬧鐘,
好在有阿絮係到,哈哈!!
而且好在今日係Ivan佢返早,
如果唔係就會畀人鬧
朝早拎鎖匙開大雪攞檸檬,
開到我o曬咀~
我一擰條匙,佢斷左,我當唐o曬咀..
搞到B哥要幫我搞,
雖然佢話唔緊要,
但自己覺得真係好唔好意思~
就好似上次咁,
我拎錯野,點知搞到阿西係咁畀個客鬧,
佢又係同我講話唔緊要,
佢愈係咁講我反而愈過意唔去,
自己做錯野,反而麻煩到人地,
真係好唔好意思...

今日夜晚做餐死,因為有幾班staff黎食飯,
次次d staff黎食野都會特別忙,特別多野做,
真係望佢地唔鬼黎~

收工前又有pizza食,正!!
我食左件,好好味~
意廳d pizza唔同出面個d,特別好食~
平時出餐個陣係到偷食薯條,
又偷食下黎樣個樣,
睇黎我好快變肥仔~

今日係父親節,祝爸爸一路都健健康康,開開心心..
雖然今日返工陪唔到您,
但我心入面都係好愛您:]

0 Comments »

不要

| by 阿武修改 | 公開 | 不公開 | 刪除 |

琴晚去完bbq同pakling慶祝生日,
返到屋企就已經同媽媽嘈左場交,
心情已經唔好..
只不過估唔到更加唔開心既在後頭~

其實我真係前兩日已經feel到,
由妳無覆msg開始..
好坦白講,我已經唔係第一次遇到d咁既情況~
所以我知道可能會有既後果,
我個時一路都望住電話,希望妳打黎,
或者一個msg都好..可惜都沒有~
不過,一路都同自己話:德武,你諗多左喇..(因為真係好唔想發生咁既事)
琴日打左咁多次畀妳,妳無聽..
其實我心真的急了,亂了~
嘿,我真係好幼稚..

就係因為以前都發生過相似既情況,
所以只好埋怨自己不夠好,自己太無用了..
我依家心裡面有好多好多野想同人講,
同人講我有幾咁唔開心..同人講我心裡的不快..
但我又可以搵邊個講呢?!
咁耐都無上黎打日記,
到依家有事,唔開心先上黎打,
係咪好衰?!
原諒我吧..因為我真係唔知道可以搵邊個講喇..
反正極少人會上我日記,
所以不打緊吧..

黎個決定係妳揀既,我當然尊重~
所以我無挽留..
但如果可以畀我揀嫁話,
我會同妳講:「唔好!!」