18歲喇~~~大個女喇...但點解一d都唔想o既...哈哈^^"

1號晚o既11點直至今朝o既5點我過左一個好難忘o既生日。出席o既人就多咯...有壽星女蚊媽啦、佢男朋友阿輝啦、佢細佬、佢朋友阿寶、阿寶男朋友、阿Ken，我果邊呢就有朱玲啦、阿澤啦、阿蘇啦、佢兩個frd嵐嵐同法蘭、ka婷、ka婷's frd阿咪、阿Vee、阿輝，其實仲有o既...不過不提也擺了，18歲o既今天認清了很多人，有失望亦有驚喜，有開心有唔開心，但好彩仍然有一班朋友o係我身邊陪住我。流o既眼淚有感動、有失望!真係好多謝好多謝以上有名o既每一位，你地所付出o既我唔會忘記，多謝晒你地!!!

我都玩得好開心，但全晚...只係唱左一首歌咋~~=.="嘰嘰~~送俾蚊媽同阿輝聽架~~睇得出佢地都好鍾意呢...哈哈^^"so Good!!!。而朱玲同阿澤呢就同法蘭阿蘇佢地玩。而成晚最怕o既就係驚阿Vee悶親，但都唔成問題lu~~因為有蚊媽細佬陪佢玩，蚊媽佢地成班都好鍾意阿Vee。個個都開開心心、高高興興就係我最想要架喇~~希望一個盡興o既晚上可以造就到一段好姻緣啦~~雖然途中有個低潮，但成晚總括黎講都係高興o既~~~經過今晚之後更加證實左，我o既開心係黎自我o既朋友~~~

***Thanks You All Of You!!!***I Love You All!!!***

10點唔夠返到公司，食埋o野，但都仲未有o野做囉~~~promo台未set好，set好o既時候，跟住就係一個唔知好定壞o既消息喇...萬寧停電呀!!!晏晝2:30開始，今日老佛爺落黎果陣見到咁o既情況都落旨「休息」呀~~~咁即係奉旨「吞卜」啦~~咁又點可以唔聽話呢...哈哈^^"到左7:30p.m都仲未有電喎~~~所以就決定齊齊放工喇!走人!隻腳仔痛死了。

P.S我轉左日記板仔喇~~http://www.diaryxp.com/diary.php?user=zoe102

琴日入夜之後真係過得唔錯!

同隔離d女仔又幾岩傾啦，見到人地關係咁好，真係感慨! o係今時今日呢行入面竟然仲可以搵到d咁好o既阿姐同阿妹。實屬難得!

悶...悶...悶到8點收工喇~~~3個人齊齊搭火車，Cherry阿姐去到九龍塘就落左車喇~~~我同Cherry就o係MK落車。佢因為要等佢條仔收工，我就因為要等蚊媽收工。所以就齊齊去左行街街喇~~~我地去左行「朗豪坊」。一路行一路有傾有講，勁搞笑囉~~~同Sharon一樣，又係水瓶黎架喎，即係又係傻o既~~~哈哈^^"而的確佢係喎~~~之後行到10點喇終於都，等到蚊媽收工喇~~~齊齊去左飲o野，由「朗豪坊」行返去旺中對面。但Cherry坐左一陣，就俾條仔接走左lu~~~佢條仔真人好過上鏡喎!呵呵***之後我就繼續同蚊媽傾計喇~~~好耐無見過佢喇!!今日見番，好懷念呀!好掛住呀!傾下傾下...傾番好多o野~~~原來雖然大家識得唔太耐，但回憶真係好多好多~~~而呢d回憶多數都係黎自同一個人俾我地架－爸爸!可是...我深信以後都唔會再有呢d日子。之後蚊媽打左俾佢個friend阿Roy，約埋o係土瓜灣再飲過~~~點知去到佢又話因為要接佢條女放工，飲唔到。Then揸車送左我返home先，再送埋蚊媽入大埔!有樣o野真係唔可以唔讚，佢真係好細心，揸車送我返屋企o既佢唔係第一個，但佢真係送到都好樓下下囉~~~蚊媽，揀得過架~~~哈哈^^"12點幾返到home，傾左陣電話，沖埋涼，再傾多陣電話就訓著左lu~~~3點倒啦...

一覺醒來，6:28p.m!嘰嘰~~~都未夠16個鍾! ...起身梳洗，搞東搞西，睇下電視~~~之後蚊媽打黎話今朝爸爸打過俾佢，原來琴晚佢唔肯出黎，話返home sleep，仲cut埋我線，之後竟然入左大埔飲酒，送埋條女入上水，再出番大埔打俾蚊媽想蚊媽陪佢，但佢打錯左如意算盤喇~~~今時今日o既我同蚊媽都已經變左喇~~~縱使我地兩母女o既感情無變都好，但對爸爸o既感情真係變左喇~~~原因係...爸爸實在太愛自己喇~~~而我地兩母女都應該學下o係佢面前點愛自己，實在付出得太多喇~~~所以我可以肯定點解有d日子唔會再出現!但...回憶永遠都係甜o既!對住佢點都要講句多謝o既~~~Thanks!!!