新年前忙到停唔到手，新年過後，又係開始靜既時候，無咩做，又無咩街去，上晝晌度劃紙，下晝呢，咪扮做野囉！真係好怕無野做，悶到死！又唔想請假，因為請假又係無野做，又要洗錢，所以返工好，但無野做又真係好難挨！

公司爆流感！11個同事，6個病咗，幾個有發燒，至慘係佢地唔戴口罩，真係勁驚俾佢地傳染囉！所以如果有街去的話我會勁開心，勁怕留晌公司，真係唔知幾時中招！

情人節，今年又係晌詩班渡過，唔計總綵，係最後一次練習，終於練咗<新耶路散冷>份部，雖然未能全首分晒，但都總算唱咗最重要果part，真期待伊館到時出來既效果。

完咗詩班，幾個單身弟兄姊妹一齊食晚飯，真係唔知幾年後，大家會繼續keep住食單身飯，還是全部都結晒婚一pair pair咁出席伉儷團？

新春期間都無打日記，8日假期已經過咗5日，仲有3日，話無無聊聊咁過又唔算，話好充實又未至於，都係遊下車河，但又以影相為主，都叫突破啦，特別係年初一，自己一個就去大棠影紅葉，暢遊大欖公園，行到腳仔都攰。其實唔太想原路走，但可惜一來已經唔早，二來自己一個真係唔太夠擔亂行，行到大欖水塘其實已經叻仔的了！

年初二，去影63R，諗住影猴巴，點知無出，但SR8808@264R，都叫執番身彩！

年初三，入文錦渡，又一個我未去過既地方，又係一個突破！不過因為要趕返屋企同娘子慶祝生日，所以遊完去觀塘掃陣街就返去了！

年初四，去大澳買XO醬，可惜買唔到，只求其搵檔買，出師不利，又遇著壞車，真係禍不單行！

至於聽日年初五，夜晚出去食飯，年初六，未定，年初七，練歌，如是者，個新年假咁就完了！