沉溺於過去,對我來說有用嗎??可笑是我忘不了那些片段,因為...我曾經也心愛著他...

lee排,我不斷諗起佢,自al開始左之後冇一日冇諗起佢,每日單純咁諗佢會o係邊度考呢?會唔會o係隔離學校呢?會唔會咁啱搭o麻同一班車呢?食飯時會唔會撞到佢呢?等等o既問題一直圍繞我...我都唔知點解我仲要咁關心佢,留意佢o既事,每當我諗起lee d問題,我又同時諗返起同佢一齊的辛酸往事...當初點樣分手已經記得不太清楚,只係依稀記起佢一升上中六後對我o既冷淡,開學一個星期後我就打電話俾佢同佢講第n次分手,冇諗過再一次聯絡要係隔幾個月o既時間,再之後的一次係隔幾年o既時間...

愛的反面係恨,我好恨佢,好憎佢,對住每一個朋友都數到佢一文不值,偏偏呃唔到自己,如果我真係咁憎佢,點解我仲咁注意佢...唉~好辛苦,究竟我依家將佢代入左個咩野角色?!朋友又唔係,情人又唔係,仇人又唔係!好辛苦呀!!!!!點解我仲未放得開...

琴日,珊話見到佢同人講電話叫人做baby! [噁心],[個女你真係慘]lee d說話成為左我討論lee件事o既標準語言,但事實係咪咁...

lee次係我有史以黎第一次打出咁心底話o既日記,之前都一直唔敢打....lee個日記版存在左好多我對佢o既回憶,o係lee度講返lee番話,都幾合適