我覺得隨時要有心理準備..
聽聖靈講要去愛一個你自己唔鐘意o既人係一件好難o既事
要去一個曾經傷害過自己o既人更加難..
愛佢o既同時~佢又係背後話你點點點o既時候~ 我仲要去愛佢ma??
愛佢o既時候. 但佢冇將個心交出黎o既時候~ 我還可以愛佢ma??
可能去愛街上面一個乞丐..還比愛一個曾經傷過你o既人易
因為始終個傷口都係度呀..好難去全心全意去愛..
可能我地真係對人好多介定~邊個值得自己愛~邊個唔值得愛.
所以我真係覺得耶穌好勁.. 佢愛人係無分各界.. 咩人都去愛..
真係~我覺得自己真係冇咁o既愛心... 冇咁o既包容啦...
可能有時更加係為自己....
唔知呢~haha
呢個係尋日聽完堂道有感而發

尋日小組完~
尋日很好呀.. 我覺得我自己返左黎了
@@ 有返一個動力了
唔知點解wo 但係...

完左之後..我就即刻衝到去尖沙咀啦
因為我約左vanessa, jason, 我, oscar, sunny去酒吧飲野
答mtr 果陣呀..有個呀差成日望住我~
搞到我勁驚lor
佢仲要我落車時佢唔落果下我仲更加唔知佢會點
haha~ 之後叫oscar 去P1 出口等我..
@@~ 好正尋日果度... 好多鬼佬呀>v<
對band又好鬼正..!!!
但sunny 叔叔覺得嘈
同埋因為冇食野o既關係.. 我尋日飲了一大杯就有d wing 了
佢o既一杯係=一枝o既份量wo 仲要
之後等我飲完又去左starbucks 坐..

 

係度吹吹下水.. 之後個和尚走入黎係度乞錢
-0-" 我覺得好樣衰~仲要俾人趕走~
之後傾傾下... 因sunny 冇車答返屋企
要行路返去
oscar 又話要陪sunny 返屋企..陣間再行返去尖咀答n216
咁我又冇理由要oscar 自己一個人靜靜咁行返尖咀
咁就陪oscar 行去紅磡sunny 屋企
sunny 住果度好正lor~ 如果真係讀到理大就好~
落雨都唔洗拎遮~行條天橋就去到...
之後行到sunny 屋企樓下~大家又坐左係個公園度傾計...
ha~原來d 男仔都會講事非的
但佢搞到成班同學好似冇個好人咁.
haha~ 不過唔緊要~聽下lor 當.. 佢地講咁多個人~我唯一唔鐘意o既係derek同daniel..
wa~ 原來daniel 係超級有錢o既人黎-0-" 一個星期千五蚊零用lor
淨係零用.. 未計車錢果d wo.. 仲要佢屋企又有細妹果d ga wo!!
佢真係一個月o既零用錢= 有d人o既一日o既人工lor
仲要佢ma 係冇野做~得佢爸出去做野
仲要佢間成屋企幾千萬平方尺果d 黎lor~
咩世界... 果然係同人唔同命~
之後尋晚一傾就傾到3點幾啦..
之後就行返去尖咀答車
wa~ 我發覺尖咀有間d 煎釀三寶係超好食
熱得黎脆ga@@~ 正...仲要佢係揀先炸果下先正
佢又唔係好貴wo~5蚊4個
仲抵食過大家姐d 野
搵日要同zoe 去食先得~hehe^^

haha~ 其實我好慶幸係呢間學校識左zoe~
仲要同佢o既關係係比好朋友還要好
雖然我成日有時會有猜疑..但只係一陣間o既時
過左就冇事...
但係我地起碼會一齊講少女心事..一有野好大家一齊share...
同埋~大家一齊面對過好多野
之前係明德果陣~大家一齊喊~haha~ 呢件事我最記得ga~
所以我要為左有一個咁好o既死黨而去感恩
因為我地大家都唔會好似人地咁~只係狗豬肉朋友o既關係丫~

ha~尋日返到屋企成朝早6點了
真係肯好我無應承今日返早禱
咪真係死得~haha~我唔想咁無精神返教會!!
因為會吸收唔到的
所以寧願揀下個月返齊4個都唔想咁眼訓去返~
因為我預左尋日係要夜返屋企~