日記慨一個小秘密連載完左，唔知有無人咁醒目搵到呢。今日一整天都好累呀，未試過閒日都出街出成日。由8點半出門口，之後返屋企就係10點了，真係好癲。

今日因為又要早上去富泰幫小朋友補習，所以就要一早出門口了。不過今日最後一次了-畢業禮，玩左好多遊戲，係呢個半鐘永遠係最易過。之後又有魔術表演，班小朋友演得好好呀，我地拍哂手掌。最後就派禮物，每個都有d，跟住又有大食會，班小朋友真係開心囉，又有得食又有得玩。

之後再見佢地就可能係10月了，真係有d唔捨得，我諗到時佢地都唔記得我叫咩名lu。我地成班義工跟住就去左食飯，途中猩猩永遠係最攪笑的那位^^

食完飯之後去[碌鈴]，發覺自己又老左啦。不過除左一個其他個個都唔識玩慨，笑料百出，不過唔知點解[碌鈴]慨時候永遠都係最攪笑......

一碌就碌左三個鐘........之後又返去富泰，因為夜晚仲有個分享會。睇下佢地係廣州影d相，攪到我下年都想去，因為真係好好玩。又有得去果園，又會去參觀，我覺得似旅行多d.........

返到屋企之後，又同安安、葉仲有晨晨係到玩雅虎桌球，好耐無玩過，不失保刀未老~!!!